google-site-verification=d4bF8NWc4x746zF3idQBTNQ6r8zvxKCq-tKl9t4ClkI LINK TELUGU: వార్తలు
వార్తలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
వార్తలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

2, సెప్టెంబర్ 2021, గురువారం

బిట్​కాయిన్​ అంటే ఏంటి? ఎలా పని చేస్తుంది? WHAT IS CRYPTOCURRENCY AND BITCOIN?



what is cryptocurrency, about bitcoin


 WHAT IS CRYPTOCURRENCY AND BITCOIN

బిట్​కాయిన్​ అంటే ఏంటి? ఎలా పని చేస్తుంది?

ఇటీవలి కాలంలో ప్రపంచవ్యాప్తంగా హాట్​టాపిక్​గా మారిన అంశాల్లో బిట్​కాయిన్ కూడా ఒకటి.  దీని విలువ రోజురోజుకు కొత్త రికార్డు స్థాయిను తాకుతోంది.  2007లో ప్రారంభమైన బిట్‌కాయిన్ ప్రస్థానం అనేక హెచ్చుతగ్గులకు లోనై అంతిమంగా దీని విలువ పెంచుకుంటూ వస్తోంది. 

ఆశ్చర్యకరంగా  2020లో దీని విలువ 170% మేర పెరిగింది. ప్రస్తుతం బిట్ కాయిన్ విలువ 2021 ఏప్రిలో 56,267 డాలర్ల వద్ద ఉంది. అంటే భారతీయ కరెన్సీలో దాదాపు 43 లక్షల రూపాయలు,

ఈ క్రిప్టోకరెన్సీకి ఎందుకు ఇంత డిమాండ్​? బిట్​కాయిన్​లో పెట్టుబడి సురక్షితమేనా? బిట్​కాయిన్ వ్యవస్థ ఎలా పని చేస్తుంది? దీనిని ఎవరైనా నియంత్రిచగలరా? అనే విషయాలను తెలుసుకుందాం.

బిట్‌కాయిన్‌ అనేది ఒక వర్చువల్‌ కరెన్సీ. దీనిపై ఏ ప్రభుత్వ నియంత్రణ ఉండదు. ఈ కరెన్సీని ఏ బ్యాంకు జారీ చేయదు. ఇది ఏ దేశానికి చెందిన కరెన్సీ కాదు కాబట్టి దీనిపై ట్యాక్స్‌ అనేది ఉండదు. 

క్రిఫ్టో కరెన్సీ అనేది కాగితాలు లేదా నాణేల భౌతికరూపంలో వుండదు 
ఇది పూర్తిగా డిజిటల్ కరెన్సీ మాత్రమే.

బిట్‌కాయిన్‌ అనేది కంప్యూటర్‌లో దాచుకునే ఒక ఫైల్‌ లాంటిది. స్మార్ట్‌ఫోన్‌ లేదా కంప్యూటర్‌లలో డిజిటల్‌ వాలెట్‌ రూపంలో దాచుకోవచ్చు. 

గత ఏడాది డిసెంబర్​లోనే తొలిసారి 20 వేల డాలర్ల మార్క్​ దాటిన బిట్​కాయిన్, రెండు నెలల్లోనే 45 వేల డాలర్లపైకి చేరడం విశేషం.

నిజానికి చాలామందిలో  క్రిప్టోకరెన్సీపై అనేక అనుమానాలు వున్నాయి. వాటి గురించి తెలుసుకుందాం. క్రిప్టోకరెన్సీ అనేది డిజిటల్​ (వర్చువల్) కరెన్సీ.  సాధారణ కరెన్సీలు (రూపాయి, డాలర్​ వంటివి) భౌతికంగా చలామణి అవుతుంటాయి. క్రిప్టో కరెన్సీలు మాత్రం భౌతికంగా కనిపించవు, వాటిని ముట్టుకోలేం. ఇవి ప్రత్యేక సాఫ్ట్​వేర్​ కోడ్​ల ద్వారా పని చేస్తుంటాయి. ఇవి పూర్తిగా డిజిటల్​ రూపంలో మాత్రమే ఉంటాయి. 

బిట్​కాయిన్​ జపాన్​కు చెందిన 'షాతోషీ నాకామోటో' అనే టెకీ రూపొందించినట్లు ప్రచారంలో ఉంది. అయితే దీనిపై స్పష్టత లేదు. 2009లో బిట్​కాయిన్​ మనుగడలోకి వచ్చింది.

బ్లాక్​ చైన్​ సాంకేతికత అనేది క్రిప్టోకరెన్సీకి మూలాధారాం. ప్రస్తుతం బిట్​కాయిన్​, ఇథీరియం, స్టెల్లార్, రిపుల్, డాష్​​ ఇలా చాలా ఇతర క్రిప్టోకరెన్సీలు మనుగడలో వున్నాగానీ.. వీటన్నింటిలో బిట్​కాయిన్​ అత్యంత ఆధరణ పొందిన క్రిప్టో కరెన్సీ.

క్రిప్టోకరెన్సీ ప్రస్తావన వచ్చినప్పుడు, లేదా బిట్కాయిన్ గురించి ప్రస్తావన వచ్చినపుడల్లా మనం చాలా సార్లు క్రిప్టోగ్రఫీ టెక్నిక్స్, బ్లాక్​ చైన్ సాంకేతికత గురించి వింటూనే ఉంటాము. బ్లాక్​చైన్​ అనేది డేటా బైస్​ ఆధారంగా పని చేసే ఓ ప్రత్యేక సాంకేతికత. ఇందులో సమాచారం అనేది బ్లాకులుగా విభజన చెందివుంటుంది. ఆ సమాచారం మొత్తం ప్రపంచవ్యాప్తంగా వేరువేరు సర్వర్లలో నిక్షిప్తమై ఉంటుంది. ఇలా ఒక సర్వర్​కు మరో సర్వర్​ అనుసంధానమై ఈ వ్యవస్థ పని చేస్తుంది. ఈ కారణంగా బ్లాక్ చైన్ రూపంలో నిక్షిప్తం చేసిన సమాచారాన్ని హ్యాక్ చెయ్యడం లేదా తస్కరించడం దాదాపు అసాధ్యం. ఈ కారణంగానే క్రిప్టోకరెన్సీలను ఎవరూ నియంత్రించడం జరగదు. అందుకే క్రిఫ్టో కరెన్సీ అనేది అత్యంత సురక్షితమనే వాదన కూడా ఉంది.

బిట్​కాయిన్ విలువ ఎందుకు అంతగా పెరుగుతోంది?గత పదేళ్ల వ్యవధిలో బిట్​కాయిన్ బెస్ట్ పెర్ఫార్మింగ్ అసెట్​గా నిలిచింది. ఇన్వెస్టర్లు దీన్ని ద్రవ్యోల్బణం నుంచి రక్షణ కోసం లావాదేవీలు ప్రారంభిస్తున్నారు.

చాలా కార్పొరేట్ సంస్థలు, సంస్థాగత పెట్టుబడిదారులు క్రిప్టోకరెన్సీలపై దృష్టిసారిస్తున్నారు. ఇన్వెస్ట్​మెంట్ పోర్ట్​ఫోలియోను వైవిధ్యంగా మార్చుకోవడం కోసం బిట్​కాయిన్లపై అధికంగా పెట్టుబడులు పెడుతున్నారు. బిట్​కాయిన్ మార్కెట్ ఇతర మార్కెట్లతో పోలిస్తే చాలా చిన్నది కాబట్టి బిట్​కాయిన్ విలువ ఎప్పుడూ స్థిరంగా ఉండదు. 

బిట్​కాయిన్​ పొందడం ఎలాగో తెలుసుకుందాం.

బిట్‌కాయిన్లను సృష్టించే ప్రక్రియను మైనింగ్‌ అంటారు. బిట్‌కాయిన్‌ మైనింగ్‌లో భాగంగా శక్తివంతమైన సాఫ్ట్‌వేర్‌ను ఉపయోగించి క్లిష్టమైన అల్లారిథమ్‌లను పరిష్కరించి లావాదేవీలను వెరిఫై చేస్తారు. మైనింగ్‌ చేసేవాళ్లు విజయవంతంగా ఈ ప్రక్రియలో గెలుపొందితే వారికి కొన్ని బిట్‌కాయిన్లను అందజేస్తారు.

ఎంతో క్లిష్టమైన క్రిప్టోగ్రఫీ సమస్యలను పరిష్కరించడం ద్వారా కొత్త బిట్​కాయిన్​లను రివార్డుగా పొందొచ్చు.  

బంగారం, వజ్రాల మారిదిగానే బిట్‌కాయిన్లు కూడా చలా పరిమితంగా లభ్యమవుతాయి. మరోవైపు ప్రజలు వీటిని కొనుగోలు చేసేందుకు మొగ్గు చూపుతున్నారు. అందువల్ల సరఫరా, డిమాండ్‌ సూత్రం ప్రకారం దీనికి గిరాకీ పెరుగుతోంది.

రూపాయికి 100 పైసలు ఎలానో.. ఒక బిట్​కాయిన్​కు 100 షాతోషీలు ఉంటాయి. ప్రస్తుతం బిట్​కాయిన్​ల విలువ భారీగా పెరిగిన కారణంగా ఒక బిట్​కాయిన్ కొనడం చాలా కష్టం. అలాంటి వారు షాతోషీలనూ లేదా, అందులో కొంత భాగాన్ని కొనుగోలు చేయడం ద్వారా కూడా పెట్టుబడి పెట్టొచ్చు.

ప్రభుత్వాల నియంత్రణ ఉండదు కాబట్టి కొంత మంది బిట్‌కాయిన్లను ఇష్టపడుతుంటారు. అన్ని లావాదేవీలు నమోదు అవుతాయి కాబట్టి వాటిని ఎవరు చేశారో బయటకు తెలియదు. తమ లావాదేవీల వివరాలు బయటకు తెలియకూడదు అనుకునేవారు బిట్‌కాయిన్ల వైపు మొగ్గు చూపుతున్నారు.

 క్రిప్టోకరెన్సీలపై ట్రేడింగ్ చేసేటప్పుడు ఎలాంటి నిబంధనలు, మార్గదర్శకాలు లేవు కాబట్టి ఏదైనా వివాదాలు తలెత్తితే.. ప్రభుత్వం నుంచి సహాయం లభించదు. కాబట్టి ఎలాంటి చట్టాలు అతిక్రమించకుండా  ట్రేడింగ్ చెయ్యడం ముఖ్యం.

భారత్​లో బిట్​కాయిన్ కొనుగోలు కొనుగోలు/అమ్మకానికి  పలు ఎక్స్ఛేంజీలు అందుబాటులో ఉన్నాయి. వీటిలో వాజిర్ ఎక్స్, కాయిన్​స్విచ్, జెబ్​పే, కాయిన్​డీసీఎక్స్​ ముఖ్యమైనవి. 

ఈ ఎక్స్ఛేంజీల్లో ట్రేడింగ్ అక్కౌంట్ పొందిన తర్వాత  క్రిప్టోకరెన్సీలపై పెట్టుబడులు పెట్టొచ్చు.కానీ భారత్​లోని క్రిప్టోకరెన్సీ ఎక్స్ఛేంజీలు ఏ ప్రభుత్వ నియంత్రణ ఫ్రేమ్​వర్క్ కిందకు రావు. భారత్​లో కార్యకలాపాలు ప్రారంభించేందుకు వీటికి లైసెన్సులు సైతం అవసరం లేదు. ప్రస్తుతం ఇవన్నీ స్వీయ-నియంత్రణ సంస్థ ఫ్రేమ్​వర్క్​ అనుగుణంగా కార్యకలాపాలు కొనసాగిస్తున్నాయి.

బిట్​కాయిన్ ట్రేడింగ్ అకౌంట్ తెరిచేందుకు  క్రిప్టోకరెన్సీ ఎక్స్ఛేంజీలన్నీ దాదాపుగా ఒకే తరహా సమాచారాన్ని సేకరిస్తాయి. బ్యాంక్ ఖాతా, కేవైసీ వివరాలతో పాటు మొబైల్ నెంబర్​తో బిట్​కాయిన్ ట్రేడింగ్ అకౌంట్ ఓపెన్ చేయొచ్చు. కేవైసీ వెరిఫికేషన్ కోసం ఆధార్ లేదా పాన్​ కార్డులలో ఏదైనా ఉపయోగించుకోవచ్చు. రిజిస్టర్డ్ బ్యాంక్ ఖాతా నుంచి నగదును ట్రేడింగ్ అకౌంట్​కు బదిలీ చేసుకోవచ్చు. 

భారత్​లో తమ బిట్​కాయిన్ పెట్టుబడి లాభాలపై క్యాపిటల్ గెయిన్ ట్యాక్స్ చెల్లించాలి. ఒకవేళ బిట్​కాయిన్ అమ్మకం, కొనుగోళ్లే ప్రధాన కార్యకలాపాలై ఉంటే, వ్యాపారాలపై విధించే పన్ను చెల్లించాల్సి ఉంటుంది.


30, ఆగస్టు 2021, సోమవారం

ఇంజనీరింగ్ విద్యార్థులకు అత్యంత ఉపయోగకరమైన వెబ్‌సైట్‌లు Best websites for Engineering Students

WEBSITES FOR ENGINEERING STUDENTS


ఇంజనీరింగ్ విద్యార్థులకు అత్యంత ఉపయోగకరమైన వెబ్‌సైట్‌లు Best websites for Engineering Students

1. ఇంజినీరింగ్.కామ్  Engineering.com

 ఇది ఇంజనీరింగ్ మరియు దాని అప్లికేషన్, కాన్సెప్ట్‌ల వివరణ, సూత్రాలు, సాఫ్ట్‌వేర్ ట్యుటోరియల్స్, మరియు వీడియో ట్యుటోరియల్స్ అందిస్తుంది. అంతేకాకుండా, వివిధ విభాగాలు మరియు సంబంధిత ఇంజనీరింగ్ ఉద్యోగాల జాబితాను తెలియజేస్తుంది.  ఇంటర్వ్యూలను క్రాక్ చేయడానికి చిట్కాలు కూడా ఈ సైట్‌లో విధ్యార్థులకు లభిస్థాయి. ఇంకా ఎలక్ట్రానిక్స్, 3 డి ప్రింటింగ్, సాఫ్ట్‌వేర్ డిజైనింగ్, గేమ్‌లు, పజిల్స్ లైబ్రరీలో డౌన్‌లోడ్ చేసుకోవచ్చు.

2.  స్టాన్‌ఫోర్డ్ ఇంజనీరింగ్ ఎవ్విరీవేర్  Stanford Engineering Everywhere

స్టాన్‌ఫోర్డ్ ఇంజనీరింగ్ ఎవిరీవేర్ అనేది యుఎస్ అంతటా విద్యార్థులకు కంప్యూటింగ్, ఆర్టిఫిషియల్ ఇంటెలిజెన్స్ మరియు ఎలక్ట్రికల్ ఇంజనీరింగ్ ప్రాధమిక విధ్య ను నేర్చుకోవడానికి, స్టాన్‌ఫోర్డ్ అండర్ గ్రాడ్యుయేట్లు అధ్యయనం చేసే  కోర్సుల వివరాలను  అందించడానికి రూపొందించబడిన ఉచిత వెబ్ సైట్. ఈ వెబ్ సైట్ లోని మెటీరియల్స్ విథ్యార్థులకే కాకుండా విద్యావేత్తలకు కూడా అందుబాటులో ఉన్నాయి.  కంప్యూటర్ మరియు ఇంటర్నెట్ కనెక్షన్ ఉన్న ఎవరికైనా ఉచితంగా అందుబాటులో ఉండేలా క్రియేటివ్ కామన్స్ లైసెన్స్ కింద అందుబాటులో ఉంచబడ్డాయి.

3. ఇంటరెస్టింగ్ ఇంజనీరింగ్ Interesting Engineering

 ఒక సీనియర్ ప్రొఫెసర్ ద్వారా నడపబడే వెబ్‌సైట్ లో  ఇంజనీరింగ్‌కు సంబంధించిన  సమస్యలను మరియు సందేహాలను పంపగల విభాగాన్ని కలిగి ఉంది.  ఇంజనీరింగ్ పరిశోధన మరియు ఆసక్తికరమైన ఇంజనీరింగ్ విషయాలపై ఇతర ట్యుటోరియల్స్ కోసంలను ఈ సైట్ ను  చూడవచ్చు.

4. ఆర్డునో Arduino

 ఎలక్ట్రానిక్స్ ఇంజనీరింగ్ విద్యార్థులు తప్పకుండా తెలుసుకోవాల్సిన వెబ్ సైట్ ఆర్డునో. ఆర్దునొ అనేది  ఉపయోగించడానికి చాలా సులభమైన, సౌకర్యవంతమైన వెబ్ సైట్. ఇందులో కొనుక్కోవడం కోసం వీలుగా ఉండే మెటీరియల్స్ అలాగే ఉచిత ఆన్‌లైన్ వీడియో ట్యుటోరియల్స్ కూడా అందుబాటులో ఉన్నాయి.   ఎలక్ట్రానిక్స్ మరియు ఎలక్ట్రికల్ ఇంజనీరింగ్‌ ఫ్రెషర్స్ కి ఇది ఉత్తమమైన వెబ్ సైట్.

5.  యం ఐ టి ఓపెన్ కోర్స్ వేర్ MIT Open Course Ware

మసాచుసెట్స్ ఇనిస్టిట్యూట్ ఆఫ్ టెక్నాలజీ, దాని దాదాపు అన్ని కోర్సులకు సంబంధించి పాఠాలకు ఈ వెబ్ సైట్ ఆన్‌లైన్ యాక్సెస్‌ను అందిస్తుంది,  విద్యార్థులు మరియు ఉపాధ్యాయులు అపరిమిత డౌన్లోడింగ్ చేసుకోవచ్చు. ఈ వెబ్‌సైట్‌లో  మెకానికల్ ఇంజనీరింగ్, మ్యాథమెటిక్స్, ఎలక్ట్రికల్ ఇంజనీరింగ్ మరియు కంప్యూటర్ సైన్స్, ఎకనామిక్స్, మేనేజ్‌మెంట్ మరియు లిబరల్ ఆర్ట్స్ ఉన్నాయి. ఈ సైట్ అందించే సమాచారం విస్తృతంగా   విద్యార్థులకు సహాయపడుతుంది. ఈ వెబ్ సైట్ ప్రధానంగా సైన్స్, టెక్నాలజీ మరియు ఇంజనీరింగ్ కోర్సులకు సంబందించినదే కానీ, ఇందులోని ఆన్‌లైన్ కోర్సు మెటీరియల్స్ కంప్యూటర్ సైంటిస్టులు మరియు సాఫ్ట్‌వేర్ ఇంజనీర్లకు కూడా ఎంతో ఉపయుక్తమైనవి. 

6.W3 skools

ప్రోగ్రామింగ్ మరియు కోడింగ్ లాంగ్వేజ్‌ల పట్ల ఆసక్తి ఉన్న విద్యార్థుల కోసం అత్యుత్తమమైన వెబ్ సైట్ w3 school. AJAX, SQL, ASP, CSS, జావాస్క్రిప్ట్ మరియు HTML మార్కప్ కోడ్‌పై సులభంగా అర్థం చేసుకునే పద్దతిలో లోతైన ట్యుటోరియల్‌లను అందిస్తుంది. ఇంజనీరింగ్ విద్యార్ధులు తమ తమ ప్రాజెక్టులను పూర్తి చేయడానికి మరియు వారు ఎంచుకున్న వృత్తిలో విజయం సాధించడానికి అవసరమైన సమాచారాన్ని సంపూర్ణం గా. డబ్ల్యూ 3 స్కూల్స్ వెబ్‌సైట్ సహజమైన మార్గ నిర్ధేశం చేస్తుంంది,   కొత్తవారు తమ డిజైన్ ప్రాజెక్ట్‌లను పూర్తి చేయడానికి, మరియు వారి స్వల్పకాలిక మరియు దీర్ఘకాలిక కంప్యూటింగ్ లక్ష్యాలను సాధించడానికి అవసరమైన సమాచారాన్ని పూర్తిగా అందజేస్తుంది.

7. కోడ్‌కాడమీ Codecademy

కంప్యూటర్ సైన్స్ ఫీల్డ్‌లో అత్యంత వినూత్నమైన విద్యా సైట్‌లలో ఒకటైన కోడ్‌కాడమీ ప్రొఫెషనల్ స్థాయిలో కోడ్ నేర్చుకోవడానికి ఆసక్తి ఉన్న విద్యార్థులకు రెండు రెండు విధాలుగా సప్పోర్ట్ను అందిస్తుంది.  ప్రాథమిక కోర్సు  వెబ్‌సైట్ ద్వారా ఉచితంగా లభిస్తుంది.  ప్రొఫెషనల్ అకడమిక్ అడ్వైజర్ల సహాయం కోరుకునే విద్యార్థులు నెలవారీ రుసుముతో కోడ్‌కాడమీ ప్రో కి అప్‌గ్రేడ్ చేయవచ్చు. విద్యార్థులు తక్కువ ఖర్చుతోనే ఉపయోగకరమైన నాణ్యమైన విధ్యను పొందవచ్చు. 

8. ఇంజనీర్ గర్ల్ Engineer Girl

ప్రత్యేకంగా  ఐటి రంగం పట్ల ఆసక్తి ఉన్న మహిళల కోసం తయరుచేయబడిన వెబ్ సైట్ ఇది.  ఇది మహిళా ఇంజనీర్‌కి కెరీర్ గైడ్‌గా ఉన్న సైట్.  ఇది టెక్నాలజీ పోటీలు మరియు ఇతర ఇంజనీరింగ్ వెబ్‌సైట్‌లకు లింక్‌లను అందిస్తుంది. ఇందులో "ఉమెన్ ఇంజనీర్స్" విభాగం మరియు "కెరీర్" విభాగం వుంటుంది. మహిళలకు ఇంజనీరింగ్ మరియు ఉద్యోగావకాశాల  గురించి సమాచారాన్ని అందిస్తుంది.

9. ఈ ఫండా  Efunda

ఈ ఫండా  ఇంజనీర్ల కోసం అన్ని సూత్రాలు మరియు ముఖ్యమైన విషయజ్ఞానాన్ని  కలిగి ఉంది. ఇందులోని డైరెక్టరీ విభాగం వివిధ అంశాలపై ప్రాథమిక జ్ఞానాన్ని అందిస్తుంది. మ్యాగజైన్ విభాగంలో  వివిధ మ్యాగజైన్‌ల నిల్వ వుంటుంది. ఇంజనీరింగ్ విద్యార్థులకు భౌతిక శాస్త్రం, గణితం మరియు రసాయన శాస్త్రాల గురించి ఈ సైట్ చాలా ఉపయోగకరంగా ఉంటుంది,   డైలీ ఫార్ములాలు, యూనిట్ కన్వర్షన్ లెక్కలు మొదలైనవి ఒకే చోట జాబితా చేయబడి ఉంటాయి. ఇందులో ఉన్న మరొక గొప్ప విశేషం కాలిక్యులేటర్ విభాగం, ఇది ఇంజనీరింగ్ విధ్యార్థులు లెక్కించడానికి ఆన్‌లైన్ లో వున్న  గొప్ప సాధనం.


26, ఆగస్టు 2021, గురువారం

UFO ఎగిరేపళ్ళాలు నిజంగా ఉన్నాయా?

blog/post/edit/4450771144974125185/2155933885186635480


UFO అంటే ఏమిటి? నిజంగానే గ్రహాంతరవాసులు వున్నారా?  భూమి మీద ఒక్కటే కాకుండా విశ్వంలోని వేరే ఇతర గ్రహాలలో  మనలాంటి లేదా మనకన్నా తెలివైన జీవులు వున్నారా? వారు ఫ్లైయింగ్ సాసర్ లాంటి తమ వాహనాల ద్వారా అప్పుడప్పుడూ భూమి మీదకు వస్తుంటారా..? వారివలన భూగ్రహానికి ఎదైనా ప్రమాదం ఉందా..?

వీటి గురించిన చర్చ ఈనాటిది కాదు. చాలా దశాబ్దాలుగా వీటికి సంబంధించిన అనేక ఆసక్తికరమైన కథలు వెలుగులోకి వస్తూనే ఉన్నాయి. ఎప్పటికప్పుడు ఇలాంటి విషయాలపై పరిశోధనలూ కూడా  కొనసాగుతోనే ఉన్నాయి.

ఇలాంటి అనేక అనుమానాలకు కారణమైంది UFO. దీనినే 'Unidentified flying object'అని అంటారు. ఎగిరే పళ్ళాలని, ఫ్లయింగ్ సాసర్లు అని కూడా పిలుస్తుంటారు.

రాకెట్ సైన్స్ అభివృద్ధి చెందిన తరువాత UFO లు ముఖ్యమైన చర్చనీయ అంశంగా మారాయి. కొంతమంది పరిశోధకులు వీటిని భూమిని సందర్శించే తెలివైన గ్రహాంతరవాసులు అని భావించారు.

1947 లో మొట్టమొదటిసారిగా UFO గురించి ప్రస్తావన వచ్చింది. వ్యాపారవేత్త కెన్నెత్ ఆర్నాల్డ్ విమానంలో వెళ్తున్నపుడు వాషింగ్టన్ లోని మౌంట్ రైనర్ సమీపంలో తొమ్మిది హై-స్పీడ్ వస్తువుల గుంపుని చూసినట్లు పేర్కొన్నాడు. అవి నెలవంక ఆకారంలో వున్నాయని, చాలా వేగంగా  అవి "నీటి మీద స్కిప్పింగ్ చేసే సాసర్ల" లాగా కదులుతున్నాయని చెప్పాడు. 

ఆ వార్తను ప్రచురించిన ఓ పత్రిక వస్తువులు సాసర్ ఆకారంలో ఉన్నాయని పొరపాటున ప్రంట్ చేసింది. అపాటినుంచి  ఫ్లయింగ్ సాసర్ అనే పదం స్థిరపడిపోయింది.

ప్రపంచంలో అనేకచోట్ల చాలామంది తాము వాటిని చూసినట్లుగా చెప్పిన ఉదంతాలున్నాయి.

మరియు 1948 లో US వైమానిక దళం ప్రాజెక్ట్ సైన్ అనే పేరుతో దర్యాప్తును ప్రారంభించింది. 

 UFO లు అధునాతన సోవియట్ విమానాలు అని ఈ ప్రాజెక్ట్‌లో పాల్గొన్నవారి మొదటి  అభిప్రాయం, అయితే ఇతర దేశాల పరిశోధకులు మాత్రం ఆ ఎగిరే వస్తువులు ఇతర గ్రహాల అంతరిక్ష నౌకలు కావచ్చు అని అభిప్రాయపడ్డారు.  

ప్రాజెక్ట్ బ్లూ బుక్‌పై అధికారిక విచారణల ద్వారా సుదీర్ఘకాలం కొనసాగింది. 1952 నుండి 1969 వరకు ప్రాజెక్ట్ బ్లూ బుక్ 12,000 కంటే ఎక్కువమంది సాక్ష్యాలు లేదా సంఘటనల నివేదికలను సంకలనం చేసింది 

 వారి నివేదిక ప్రకారం  UFO అనేది  సాక్ష్యాలలో 90 శాతం మంది చూసినవి ప్రకాశవంతమైన గ్రహాలు మరియు నక్షత్రాలు, ఉల్కలు, అరోరాస్, అయాన్ మేఘాలులేదా విమానం, బెలూన్లు, పక్షులు మరియు సెర్చ్ లైట్లు వంటి భూసంబంధమైన వస్తువులకు కావొచ్చని అలాగే వీటివల్ల  భద్రతాపరమైన ముప్పు లేదు అని.  

ఈ నివేదిక సుదీర్ఘ కాలం రహస్యంగా ఉంచడం వల్ల ప్రజలలో అనేక అనుమానాలను కలుగజేసింది.

 1966 లో 37 మంది శాస్త్రవేత్తలతో రెండవ కమిటీ ఏర్పాటు చేయబడింది. రెండు సంవత్సరాల తరువాత,  UFO కనిపించడం గురించి వివరణాత్మక అధ్యయనం చేసిన ఈ కమిటీ, దాని ఫలితాలను సైంటిఫిక్ స్టడీ ఆఫ్ అన్‌డెంటిఫైడ్ ఫ్లయింగ్ ఆబ్జెక్ట్స్‌గా విడుదల చేసింది. 

ఒక్క అమెరికానే కాదు, రష్య, స్వీడన్, బ్రొటన్, టర్కీ లాంటి దేశాలు కూడా పరిశోధన చేసాయి.

ఆశ్చర్యకరంగా గత సంవత్సరం ఏప్రిల్ లో తొలిసారిగా అమెరికా రక్షణ మంత్రిత్వశాఖ ఊFఓ లకు సంబందించి 3 వీడియోలను విడుదల చేసింది. ఎస్ -18 ఫైటర్ జెట్‌లో ఏర్పాటు చేసిన ఇన్‌ఫ్రా-రెడ్ కెమెరా సహాయంతో వీటిని యుఎస్ నేవీ రికార్డ్ చేసింది. కాని వీటిని అధీకౄత సాక్ష్యాలుగా అమెరిక పరిగణించలేదు.

చాలామంది  UFO ఉదంతాల గురించి అనేక అనుమానాలు వ్యక్తం చేస్తూనే వున్నారు. గ్రహాంతరవాసులు నింజగా ఉన్నారని, అమెరిక శాస్థ్రవేత్తలు వారితో సంబంధాలు నెరుపుతున్నారని, కొందరైతే అమెరికలోని ఏరియా 51 లో గ్రహాంతరవాసులు బంధీలుగా ఉన్నారని నమ్ముతుంటారు.

కాని ఇంతవరకు జరిగిన పరిశోధనల్లో ఎక్కడకూడా గ్రహాంతరవాసులు వున్నారనిగానీ, ఎగిరేపళ్ళాల ఉనికి గాని, శాశ్త్రీయంగా నిర్ధారించబడలేదు.  




21, ఆగస్టు 2021, శనివారం

ఇక ముగ్గురేసి పిల్లల్ని కనొచ్చు! CHINA

 

china


చైనాలో జంటలు ఇక ముగ్గురేసి పిల్లల్ని కనొచ్చు. 

ఈ మేరకు అధికార కమ్యూనిస్టుపార్టీ తెచ్చిన ప్రతిపాదనకు దేశ పార్లమెంటు 'నేషనల్‌ పీపుల్స్‌ కాంగ్రెస్‌' లోని స్థాయీ సంఘం శుక్రవారం లాంఛనంగా ఆమోదముద్ర వేసింది. 

ఇందుకు అనుగుణంగా జనాభా,కుటుంబ నియంత్రణచట్టాన్ని ఫార్లమెంట్ సవరించింది. 

గత దశాబ్ధకాలంలో పొరుగుదేశం భారత్ లో జనాభా తమ దేశం కంటే వేగంగా పెరుగుతుండటం, అలాగే చైనాలో  వేగంగా తగ్గిపోతున్న జననాల రేటును దృష్టిలో పెట్టుకుని ఈ చట్టాన్ని ముందుకు తీసుకువచ్చారు.

పెరుగుతున్న ఖర్చుల వల్లగాని, అధిక సంతానం పట్ల దంపతుల్లో వ్యక్తమవుతున్న వ్యతిరేఖతను తగ్గించడానికి చైనా  ఈ చట్టంలో అనేక సామాజిక, ఆర్థిక తోడ్పాటు చర్యలను ప్రకటించింది.

 కుటుంబాలపై పడే ఆర్థికభారం, పిల్లల్ని పెంచడానికి, చదువు చెప్పించడానికి అయ్యే వ్యయాలకోసంగాను  ప్రభుత్వం ఆర్థికసాయం, పన్నులు, బీమా, విద్య, గృహ నిర్మాణం, ఉపాధి వంటి అంశాల్లో పలు ఉపశమన చర్యలను   చేపడుతుంది. 

దీర్ఘకాల జనాభావృద్ధిని ప్రోత్సహించడానికి చైనా కమ్యూనిస్టు పార్టీ ఈ కీలక నిర్ణయం తీసుకోవడం జరిగింది. 

దాని ప్రకారం ఇద్దరు పిల్లల విధానాన్ని సడలించాలని, ముగ్గురు పిల్లల్ని కనేందుకు అనుమతించాలని సూచించింది. 

2016 కు ముందు దశాబ్దాల పాటు చైనాలో ఏక సంతాన విధానం ఉండేది. 


20, ఆగస్టు 2021, శుక్రవారం

రాహుల్ గాంధీకి షాక్ ఇచ్చిన ఫేస్‌బుక్,ఇన్‌స్టాగ్రామ్ Facebook removes Rahul Gandhi’s post!

rahuljee


 కాంగ్రెస్ పార్టీనేత రాహుల్ గాంధీకి ప్రముఖ సోషల్ మీడియా దిగ్గజం ఫేస్‌బుక్,ఇన్‌స్టాగ్రామ్ Facebook, Instagramm భారీ షాక్ ఇచ్చాయి.

 ఫేస్‌బుక్ వేదికగా రాహుల్ గాంధీ చేసిన పోస్ట్ వల్ల  ఓ మైనర్ బాలిక కుటుంబసభ్యుల వివరాలు భహిర్గతం కావడంతో సదరు సంస్థలు పై చర్యను తీసుకున్నాయి. 

రాహుల్ గాంధీ పెట్టిన ఓ వివాస్పద పోస్ట్‌ను ఫేస్ బుక్ తొలగించింది. 

ఢిల్లీలో అత్యాచారం చేయబడి, దారుణహత్యకు గురైన, మైనర్ బాలిక కుటుంబసభ్యుల వివరాలను ఫేస్‌బుక్ వేదికగా రాహుల్ గాంధీ పోస్ట్ చేశారు. 

ప్రజల అభ్యంతరకర దృశ్యాలను, చిత్రాలను పోస్ట్ చేసినందుకు తొలగించామని, ఫేస్ బుక్, మరియు ఇన్ స్టాగ్రాం  వెల్లడించాయి.  

 మైనర్ బాధితురాలి తల్లిదండ్రుల గుర్తింపును వెల్లడించింది కాబట్టి ఇన్‌స్టాగ్రామ్ మరియు ఫేస్‌బుక్ లు రాహుల్ గాంధీ పోస్ట్‌ను తొలగించడం జరిగింది.  

అనేక అభ్యంతరాలు రావడంతో  మంగళవారం, ఫేస్‌బుక్ ఇన్‌స్టాగ్రామ్‌లో పోస్ట్ చేసిన వీడియోకు సంబంధించి  రాహుల్ గాంధీకి FACEBOOK నోటీసు జారీ చేసింది. బాధితుడి వివరాలను వెల్లడించినందుకు వివరణ ఇవ్వాలని కోరింది. ఆయన దగ్గరనుంచి  ఎలాంటి స్పందన లేకపోవడంతో పోస్ట్‌ను తొలగిస్తున్నట్లు పేర్కొంది.

 అటు రాహుల్ గాంధీ పోస్ట్ చేసిన వీడియోపై యాక్షన్ రిపోర్టుతో కావాలని నేషనల్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్ (NCPCR) ఫేస్‌బుక్‌ను కోరిన తర్వాత, రాహుల్ గాంధి పోస్ట్ మీద ఇలాంటి చర్యలు తీసుకున్నట్టు తెలిసింది.

మొదటి మ్యాచ్‌లోనే ఫాస్టెస్ట్ ఆఫ్ సెంచెరీ! fastest half century in debut match !

 

fastest half century in debut match


అరంగేట్రం మ్యాచ్ ఆడుతున్నప్పుడు సహజంగా కలిగే తడబాటు,  భారీ అంచనాల ఒత్తిడినీ అదిగమించి   ఓ యువ క్రికెటర్ తన మొదటి మ్యాచ్ లోనే వేగవంతమైన అర్దసెంచెరీ fastest half century సాధించాడు.

రువాండా బ్యాట్స్‌మెన్ మార్టిన్ అకాయెజు వయస్సు 18 ఏళ్లు మాత్రమే. కానీ తను ఆడిన మొదటి మ్యాచ్ లోనే   బౌలర్లపై సిక్సర్లు, ఫోర్లతో విరుచుకుపడి, 16 బంతుల్లో ఫిఫ్టీ సాధించాడు. 

ఘనా, రువాండా జట్ల మధ్య జరుతున్న ఐదు టీ20 మ్యాచ్‌ల సిరీస్‌ లో, అంతర్జాతీయ క్రికెట్‌ మొదటి మ్యాచ్ ఆడుతున్న మార్టిన్ అకాయెజు 16 బంతుల్లో అర్ధ సెంచరీ సాధించి, తన జట్టుని విజపథాన నడిపాడు.

19, ఆగస్టు 2021, గురువారం

ప్రధానికి గుడి! Temple for Modi!

temple of modi


 రాజకీయ నాయకులకు, సెలబ్రిటీలకు వారి వారి అభిమానులు గుడులు కట్టించడం అనేవిషయం అప్పుడప్పుడూ మనం వింటూనే ఉంటాము. 

ఈ క్రమంలోనే తాజాగా మహారాష్ట్రలోని పుణేలో బీజేపీ కార్యకర్త ఒకరు ప్రధాని నరేంద్రమోదీకి చిన్నసైజు దేవాలయం నిర్మించి, అందులో MODI గారి విగ్రహాన్ని ప్రతిష్ఠించారు..

 మహారష్త్ర పుణెకు చెందిన  మయూర్‌ ముండే అనే  మోడీకి విరాభిమాని, ప్రథానిపై తనకున్న అభిమానాన్ని చాటుతూ ఏకంగా రూ. 2 లక్షల రూపాయల ఖర్చుతో temple నిర్మించాడు. 

ఇందు కోసంగాను మయూర్‌ జైపూర్‌ మార్బల్‌ను ఉపయోగించాడు. 

మయూర్‌ మాట్లాడుతూ.. ఆయోధ్యలో రాముడికి దేవాలయాన్ని నిర్మించిన వ్యక్తికి ఓ దేవాలయం ఉండాలనేది నా భావన. అందుకోసమే మోదీకి ఆలయాన్ని నిర్మించాను’అని చెప్పుకొచ్చాడు.

కానీ ట్విస్ట్ ఏమిటంటే ఈ దేవాలయ విషయం పి.యం.ఓ కి చేరడంతో  రాత్రికిరాత్రే విగ్రహాన్ని తొలగించేసారు. 

ఆలయానికి సంబంధించిన వార్త మీడియాలో రావడంతో బీజేపీ అధిష్టానం ఈ నిర్ణయం తీసుకుంది.    

18, ఆగస్టు 2021, బుధవారం

వాడి పడేసిన టిష్యూ పేపర్ ధర రూ.7.50 కోట్లు!! messi "used tissue paper" at auction




 మీరు చదివింది అక్షరాల నిజం. 

వాడి కిందపడేసిన ఆ టిష్యూ పేపర్‌ను ఏకంగా రూ.7.5 కోట్లకు ఆన్‌లైన్‌లో వేలానికి పెట్టారు!

వెర్రి వేయివిధాలని అంటారు. అభిమానం పీక్స్ కి వెళ్ళిపోతే ఎలావుంటుందో అనేదానికి ఈ ఉదంతం ఒక ఉదాహరణగా నిలుస్తుంది. 

 సాకర్ దిగ్గజం లియోనల్ మెస్సీ వాడి, కిందపడేసిన ఆ టిష్యూ పేపర్‌ను Tissue paper ఏకంగా రూ.7.5 కోట్లకు ఆన్‌లైన్‌ వేలంలో అమ్మకానికి పెట్టారు.

ఇటీవల లియోనల్ మెస్సీ ఫుట్‌బాల్ క్లబ్‌ బార్సిలోనాకు గుడ్‌బై చెప్పాడు. ఈ సందర్భంగా మెస్సీ Messi కాస్త ఎమోషనల్ అయ్యాడు.

బార్సిలోనాతో తన రెండు దశాబ్ధాల అనుబంధాన్ని గుర్తుచేసుకుంటూ ఉబికి వస్తున్న కన్నీటిని ఓ టిష్యూ పేపర్‌తో తుడుచుకున్నాడు.

ఆ టిష్యు పేపర్ని సేకరించి పెట్టుకున్న ఓ అభిమాని ఒక వెబ్సైట్లో అమ్మకానికి పెట్టాడు.

 ఏకంగా సాకర్ దిగ్గజం లియోనల్ మెస్సీ కన్నీరు తుడిచిన టిష్యూ పేపర్‌ను దక్కించుకునేందుకు మెస్సీ వీరాభిమానులు చాలా మంది పోటీపడుతారని భావిస్తున్నారు. 

వేలంలో దాని ధరను 1 మిలియన్ డాలర్లు  (రూ.7.5 కోట్లు) గా నిర్ణయించారు. 

మెస్సీ కన్నీరు తుడిచిన టిష్యూను దక్కించుకోండంటూ ఆన్‌లైన్ యాడ్స్ కూడా ఇచ్చారు. 

దీంతో ఆ టిష్యూ పేపర్‌కు ఆయన వీరాభిమానుల మధ్య గట్టి పోటీ నెలకొంటోంది. వేలంపాటలో సదరు టిష్యు పేపర్ ఎంత ధరను తాకుతుందో చూడాలి.


17, ఆగస్టు 2021, మంగళవారం

తాలిబన్లకు ఫేస్ బుక్ షాక్ !


FACEBOOK,INSTAGRAM


 అఫ్ఘనిస్తాన్లో అధికారాన్ని చేజిక్కించుకున్న తాలిబన్లకు సోషియల్ మీడియా దిగ్గజం షాక్ ఇచ్చింది.

ఫేస్‌బుక్ తన విధానాల ప్రకారం తాలిబాన్ సేవలను నిషేధించింది.

అమెరికా చట్టం ప్రకారం తాలిబాన్ ఒక ఉగ్రవాద సంస్థ అని ఫేస్ బుక్ ఒక ప్రకటన విడుదల చేసింది.  తాలిబాన్ ఫేస్బుక్ అకౌంట్ ను నిషేధించింది.

 అధికారాన్ని చేజిక్కించుకున్న వెంటనే తాలిబాన్లు ఫేస్ బుక్‌లో ఖాతా తెరిచి,  వారికి సంబంధించిన  పోస్టులు పెడుతున్నారు. ఇది గమనించిన ఫేస్ బుక్ వెంటనే తొలిగించడం మొదలు పెట్టింది. అంతేకాదు నిషేదం కూడా పెట్టింది. ఇతర ఖాతాలనుంచి తాలిబాన్‌లను ప్రోత్సహించే కంటెంట్‌ను కూడా బ్రేక్ చేసింది ఫేస్‌బుక్.

ఫేస్‌బుక్ మరియు ఇన్‌స్టాగ్రామ్ అధినేత ఆడమ్ మోసేరి బ్లూమ్‌బెర్గ్  మాట్లాడుతూ.. ఆఫ్ఘనిస్తాన్‌ను ఆక్రమించుకున్న తాలిబన్ సంస్థ పేరు టెర్రరిస్టు జాబితాలో ఉన్నందున వారి గ్రూప్‌ని ప్రోత్సహించే లేదా ప్రాతినిధ్యం వహించే ఏ కంటెంటైనా నిషేధించబడిందని తెలిపారు. 



జోరుగా వ్యాక్సినేషన్ Covid-19 vaccination

 



VACCINATION


దేశంలో కరోనా విజృంభణ గత కొద్దిరోజులుగా నిలకడ ఉంది. 

కరోనా సెకండ్ వేవ్ అనంతరం కేసుల సంఖ్య క్రమంగా తగ్గుతూ వస్తుండటంతో ప్రజలు తమతమ దైనందిన కార్యక్రమాల్లో మునిగిపోతున్నారు.

 దేశంలో కోవిడ్ థర్డ్ వేవ్ ప్రమాదం పొంచిఉందన్న వైద్య నిపుణుల సూచనలతో కేంద్ర ప్రభుత్వం అప్రమత్తంగా వుంది. 

దేశంలో వ్యాక్సినేషన్ ప్రక్రియను ముమ్మరం చేయడంతోపాటుగా  వ్యాక్సిన్ ఉత్పత్తిని సైతం వేగంగా చేపట్టేలా ప్రణాలికలను సిద్దం చేస్తోంది.  

ఈ క్రమంలో భారత్ లో టీకాడ్రైవ్‌ ముమ్మరంగా కొనసాగుతున్నది. సోమవారం రికార్డు స్థాయిలో 86.29లక్షల మందికి టీకాలు వేసినట్లు కేంద్ర ఆరోగ్యమంత్రిత్వ శాఖ వెల్లడించింది.

దేశవ్యాప్తంగా వేసిన టీకా మోతాదుల సంఖ్య 55 కోట్ల మార్క్‌ను దాటిందని వెల్లడించింది. నిన్న ఒక్కరోజే  18-44 సంవత్సరాల వారు 31,44,650 మందికి తొలిడోస్, 5,22,629 మందికి సెకండ్‌ డోసు అందజేసినట్లు చెప్పింది. 

మూడో దశ టీకా డ్రైవ్‌ ప్రారంభమైన నాటి నుంచి ఇప్పటి వరకు దేశవ్యాప్తంగా 18-44 ఏళ్ల మధ్య 20,00,68,334 మంది మొదటి డోసు ఇచ్చారు. మరో 1,59,35,853 మందికి రెండో మోతాదు ఇచ్చినట్లు కేంద్రం వెల్లడించింది.

తాలిబన్ల అధికారం - భారత్ లో వ్యాపారం ( india business with afghanistan)



 ఆఫ్ఘనిస్తాన్లో అధికారాన్ని తాలిబన్ల చేతిలోకి తీసుకున్న   నేపథ్యంలో ఆ దేశంతో వర్తక, వ్యాపార వాణిజ్యాలపై కాస్తంత ప్రభావం పడే అవకాశం వుంది. 

ఒకవేళ తాలిబన్ ప్రభుత్వంతో ఇండియాకు సత్సంబంధాలు లేకుంటే,  భారత దేశంలో ఏయే వస్తువుల ధరలు ప్రభావాన్ని  చూపుతాయో ఇప్పుడు చూద్దాం. 

  డ్రై ఫ్రూట్స్,కిస్మిస్‌‌, వాల్‌నట్స్‌, బాదం, పిస్తా, పైన్‌ నట్స్‌, చెర్రీ, ఇంకా కొన్నిరకాల ఆయుర్వేద మూలికలను  ఆప్ఘనిస్థాన్ నుంచి కొన్ని వస్తువుల్ని భారత్ దిగుమతి చేసుకుంటూ వుంది.  

ముఖ్యంగా ఎండు ద్రాక్ష, జిలకర  అక్కడి నుంచి పెద్ద ఎత్తున భారత్ వస్తున్నాయి. ఇప్పుడు వాటి ధర  పెరిగే అవకాశం ఉండొచ్చు.

అలాగే మన దేశం నుంచి ఆప్ఘనిస్థాన్ కు తేయాకు, కాఫీ, మిరియాలు, పత్తి వంటివి ఎగుమతి అవుతున్నాయి.

 పెట్రోల్, డీజిల్ ధరలు కూడా పెరిగే ఛాన్స్ ఉంది. ఎందుకంటే భారత కు అవసరమైన పెట్రో ఉత్పత్తులు 92 శాతాన్ని గల్ఫ్ దేశాల నుంచి దిగుమతి చేసుకుంటోంది.  గల్ఫ్ దేశాల్లో ఏ చిన్న అలజడి రేగినా, అది మన దేశంలోని పెట్రోల్, డీజిల్ పై ప్రభావం చూపిస్తుంది. 

 ప్రస్తుత పరిస్థితుల నేపథ్యంలో ఇరు దేశాల మధ్య వాణిజ్యంపై  అఫ్గాన్‌ పరిస్థితుల ప్రభావం తప్పకుండా ఉంటుంది.

ఆప్ఘనిస్థాన్, భారత్‌ మధ్య 2020-21 ఆర్థిక సంవత్సరంలో 1.52 బిలియన్‌ డాలర్ల వ్యాపారం జరిగింది. ఇందులో భారత్‌ ఎగుమతుల వాటా 826 మిలియన్‌ డాలర్లు కాగా, అఫ్గాన్‌ దిగుమతుల వాటా 510 మిలియన్‌ డాలర్లుగా ఉంది.


16, ఆగస్టు 2021, సోమవారం

ఆఫ్ఘనిస్తాన్ లో విషాదం




 ఆఫ్ఘనిస్తాన్‌ని తాలిబాన్లు ఆక్రమించుకోవడంతో  పెద్ద సంఖ్యలో ప్రజలు దేశం విడిచి పారిపోతున్నారు. 

ఓ వైపు గృహదహనాలు, లూటీలు జరుగుతుండంతో  ప్రాణాలు అరచేత్తో పట్టుకుని దేశం విడిచిపోతున్న ప్రజలు ప్రమాదకర పరిస్థితులలో ప్రాణాలు కోల్పోతున్నారు.

 కాబూల్ విమానాశ్రయం నుండి బయలుదేరిన విమానం నుంచి ముగ్గురు ప్రయాణికులు కిందపడి ప్రాణాలు కోల్పోయారు. వీరంతా విమానం లోపల చోటు లభించక పోడంతో  విమానం రెక్కలపై కూర్చున్నారు. విమానం గాలిలో టాకాఫ్ అయిన కాసేపటికే వారిలో ముగ్గురు కింద పడిపోయారు. 

ఈ సంఘటనకు సంబంధించిన ఒక వీడియో ఇప్పుడు మీడియాలో ప్రముఖంగా ప్రసారం చేయబడుతోంది.

విమానాశ్రయంలోనే జరిగిన తొక్కిసలాట వల్ల ఏర్పడిన కాల్పుల సంఘ్ సంఘ్టనలో మరో ఐదుమంది మరణించారు.

 తాలిబన్లు రాజధాని కాబూల్‌ను స్వాధీనం చేసుకున్న తర్వాత పరిస్థితి మరింత దిగజారింది. దేశం విడిచి వెళ్లడానికి ప్రజలు విమానాశ్రయానికి పరగులు పెడుతున్నారు.


తాలిబన్ల బడులు తెరుచుకున్నాయి!

 


అఫ్ఘన్ భాషలో తాలిబన్ అంటే విధ్యార్థి అని అర్థం. ఇప్పుడా విధ్యార్దులే అఫ్ఘనిస్తాన్ ను ఆక్రమించి తమదైన శైలిలో ఇకనుంచి ప్రపంచానికి పాఠాలు నేర్పబొతున్నారు.

ఆఫ్గనిస్థాన్‌‌‌‌లో ఇరవైయేళ్ళ తర్వాత తాలిబన్ల శకం మళ్లీ మొదలయ్యింది. ఆఫ్గనిస్థాన్ అధ్యక్షుడు అష్రాఫ్ ఘని దేశం విడిచి పారిపోయారు.

దేశంలో యుద్ధం ముగిసినట్లు తాలిబన్లు ప్రకటించుకున్నారు. 

ఆఫ్గనిస్థాన్ అధ్యక్ష భవంతి సహా అన్ని ప్రాంతాలను తాలిబన్లు స్వాధీనం చేసుకున్నారు.   

దేశంలో మరింత రక్తపాతం ఏర్పడటం ఇష్టంలేకే దేశం విడిచి వెళ్లిపోతున్నట్లు మాజీ అధ్యక్షుడు అష్రాఫ్ ఘని   ప్రకటనలో తెలిపారు. 

అటు ఆఫ్గనిస్థాన్‌లో ఉంటున్న విదేశీయులు కూడా భారీ సంఖ్యలో కాబుల్ విమానాశ్రయం నుంచి నిష్క్రమిస్తున్నారు. 

20 ఏళ్ల తర్వాత మళ్లీ ఆఫ్గనిస్థాన్‌ అధికారాన్ని తాలిబన్లు సొంతం చేసుకున్నారు. 

ఆఫ్గనిస్థాన్ నుంచి తమ సేనలు  ఆగస్టు 31 లోగా నిష్క్రమిస్తాయని అమెరికా అధ్యక్షుడు బైడెన్ ప్రకటించగా రెండు వారాలకు ముందే తాలిబన్లు ఆఫ్గన్‌ను తమ ఆధీనంలోకి తీసుకున్నారు.

 ఆఫ్గనిస్థాన్‌‌‌‌లో అరాచక తాలిబన్ల శకం మళ్లీ మొదలవబోతోందని ప్రపంచవ్యాప్తంగా ఆందోళణ వ్యక్తం చేస్తున్నారు. 


15, ఆగస్టు 2021, ఆదివారం

లార్డ్స్ లో పన్నెండో ప్లేయర్!



 భారత్ ఇంగ్లాడ్ ల మధ్య లార్డ్స్ లో జరుగుతున్న రెండవ టెస్ట్ మ్యాచ్ లో ఓ ఆసక్తికర పరిణామం చోటుచేసుకుంది.

భారతీయ జెర్సీ ధరించిన ఓ వ్యక్తి పదినిమిషాలపాటు గ్రౌండ్ మద్యలో హలచల్ చేసాడు.

సదరు ఆగంతకుడు ఇండియన్ ప్లేయర్ లాగే కాసేపు ఫీల్డర్లను అలెర్ట్ చేస్తూ, చప్పట్లుకొడుతూ వుండటంతో మొదట ఆశ్చర్యపోయిన క్రీడాకారులు తర్వాత కడుపుబ్బా నవ్వుకున్నారు.

వెంటనే స్పందించిన సెక్యూరిటి సిబ్బంది అతనిని అదుపులోకి తీసుకుని బయటకు తరలించారు.

 

13, ఆగస్టు 2021, శుక్రవారం

కరోనా కి ముక్కు ద్వారా వ్యాక్సిన్!



 ప్రపంచాన్ని వణికిస్తున్న కరోనాని నియంత్రించేందుకు మరో ముందడుగు పడింది.

ముక్కు ద్వారా వేసే వ్యాక్సిన్ క్లినికల్ ట్రైల్స్ కి కేంద్ర ప్రభుత్వం అనుమతించింది .

భారత్‌ బయోటెక్‌ రూపొందించిన ముక్కు ద్వారా వేసే వ్యాక్సిన్‌ (నాజల్‌ వ్యాక్సిన్‌)కు ఒకే చెప్పింది కేంద్ర ప్రభుత్వం. 


ఇప్పటికే 18 నుంచి 60 ఏళ్ల వయసుల వారిపై నిర్వహించిన తొలి దశ క్లినికల్‌ ట్రయల్స్‌  విజయవంతంగా పూర్తయ్యినట్లు తెలిసింది.

రెండు, మూడో దశ క్లినికల్‌ ట్రయల్స్‌ నిర్వహణకు అనుమతి మంజూరు చేసినట్టు  డిపార్ట్‌మెంట్‌ ఆఫ్‌ బయో టెక్నాలజీ  వెల్లడించింది. 


 ‘కొవాగ్జిన్‌’ టీకాను తయారు చేసిన భారత్‌ బయోటెక్‌ ఇంటర్నేషనల్‌ సంస్థ.. ముక్కు ద్వారా ఇచ్చే టీకా అడెనోవైరస్‌ వెక్టార్డ్‌  అభివృద్ధిపై ఫోకస్ చేసింది.  

గతేడాది సెప్టెంబరులో భారత్‌ బయోటెక్‌, యూఎస్‌లోని వాషింగ్టన్‌ యూనివర్సిటీ స్కూల్‌ ఆఫ్‌ మెడిసిన్‌ ఇన్‌ సెయింట్‌ లూయీస్‌తో ఒప్పందం కుదుర్చుకుంది. 

కాగా ముక్కు ద్వారా ఇచ్చే వ్యాక్సిన్‌ కరోనాపై సమర్థంగా పనిచేస్తున్నట్లు ఇప్పటికే జంతువులపై జరిపిన పరిశోధనలో వెల్లడైంది. ప్రపంచలోనే తొలిసారి ముక్కు ద్వారా వేసే కోవిడ్ వ్యాక్సిన్‌ను భారత్‌ బయెటెక్‌ అభివృద్ధి చేస్తోంది. 

6, డిసెంబర్ 2016, మంగళవారం

జయలలిత ఇకలేరు!




లక్షలాదిమంది అభిమానులుల్ని శోకసంద్రంలో ముంచెత్తుతూ పురిచ్చితలైవి శాస్వతంగా అస్తమించారు.

తమిళనాడు ముఖ్యమంత్రి, అమ్మగా కోట్లాదిమందిచే ఆరాధించబడే జయలలిత నిన్నరాత్రి 11.30గం. లకు మరణించారు.

75 రోజులుగా చెన్నై అపోలో హాస్పిటల్ లో మృత్యువుతో పోరాడిన జయ, చివరికి విధికి తలొంచారు.

జయలలిత పార్థివదేహానికి ఈ సాయంత్రం 4.30గం.లకు మెరీనాబీచ్ దగ్గర, తమిళప్రియతమ నేత, మాజీ సీయం, జయకు రాజకీయ గురువైన యం.జీ.ఆర్. సమాధి ప్రక్కనే అంత్యక్రియలు నిర్వహించనున్నారు.

జయలలిత మృతికి పలువురు రాజకీయ, సినీరంగ ప్రముఖులు తమ సంతాపాన్ని వ్యక్తం చేసారు.

5, డిసెంబర్ 2016, సోమవారం

రాహుల్ గాంధీకి జణగణమన తెలుసా..?




కాంగ్రెస్ ఉపాధ్యక్షుడు రాహుల్ గాంధీపై  బాలీవుడ్ నటుడు అనుపమ్ ఖేర్ వ్యంగ్య వ్యాఖ్యలు చేశారు.

రాహుల్ గాంధీ భారతీయతపై తనకు ఎటువంటి సందేహం లేదనీ..  అయితే రాహుల్ భారత జాతీయగీతం పాడుతుండగా చూడాలని ఉందన్నారు.

అసలు రాహుల్‌కు అందులో పదాలు కూడా తెలుసో? లేదో? తనకు సందేహంగా ఉందంటూ అనుపమ్ ఖేర్ సరదాగా అనారు.

చేతులెత్తేసిన డాక్టర్ రిచర్డ్స్!




తమిళనాడు ముఖ్యమంత్రి జయలలితకు అపోలోలో ముందునుంచీ ప్రత్యేక  చికిత్సలు చేస్తున్న ఇంగ్లాండ్ వైద్యుడు రిచర్డ్స్ బీలే చేతులెత్తేశారు.

అపోలో వర్గాల కోరికపై లండన్ నుంచి ఈరోజు మధ్యాహ్నం వచ్చిన ఆయన, తాజాగా ఓ ప్రకటన విడుదల చేశారు.

జయ పరిస్థితి చాలా విషమంగానే ఉందని అయితే అందుబాటులో ఉన్న అన్ని రకాల వైద్య సేవలు ఆమెకు అందిస్తున్నట్లు మీడియాకు విడుదల చేసిన ఆ ప్రకటనలో పేర్కొన్నారు వివరించారు. అన్ని విభాగాలకు చెందిన నిఫుణులైన డాక్టర్ల బృందం నిరంతరం జయలలిత ఆరోగ్యాన్ని పర్యవేక్షిస్తున్నట్లు బీలే వివరించారు.

ఆదివారం సాయంత్రం  గుండెపోటుకు గురైన జయలలిత ప్రస్తుతం లైఫ్ సపోర్టింగ్ సిట్టమ్‌‌పై ఉన్నారు. ఆమె ఆరోగ్యం మెరుగు కోసం ఆమె అభిమానులు చేస్తున్న పూజలు ఫలించాలని ఆయన ఆకాక్షించారు. స్వయానా వైద్యుడే పూజల పేరు ప్రస్థావించడంతో ఆయన కూడా జయ ఆరోగ్యంపై చేతులెత్తేశారని అనుకుంటున్నారు.

జయకు సీరియస్!



ఆరొగ్యం కుదుటపడి, నేడో రేపో ఆసుపత్రి నుంచి డిస్చార్జ్ అవుతుందని ఆశగా ఎదురుచూస్తున్న అమ్మ అమ్మ అభిమానులకు దుర్వార్త..

ఐ.సీ.యూ..నుంచి గత కొద్ది రోజులుగా సాధారణ వార్డులో చికిత్స పొందుతున్న తమిళనాడు ముఖ్యమంత్రి జయలలితకు గుండెపోటు వచ్చినట్టు అపోలో హాస్పిటల్ వర్గాలు తెలియజేసాయి.

ఆమెకు నిన్న సాయంత్రం హార్ట్ స్ట్రోక్ వచ్చింది. జయను హుటాహుటిన అత్యవసర చికిత్సావిభాగంలోకి మార్చి, నిపుణులైన వైధ్య బృందంచేత చికిత్స చేస్తున్నారు.

లండన్ వైద్యుడు డాక్టర్‌ రిచర్డ్‌ బీలే, ఢిల్లీ ఎయిమ్స్‌ వైద్యులు వెంటనే అందుబాటులో వుండాలని కోరినట్ట్లు ఆసుపత్రి వర్గాలు తెలియజేసాయి.

తాజా పరిస్థితుల వల్ల, తమిళనాడు మొత్తం ఆందోళణ పరిస్థితులు నెలకొన్నాయి. పెద్ద ఎత్తున కార్యకర్తలు, అభిమానులు అపోలో వద్దకు చేరుకుంటున్నారు. అదనపు పోలీసు బలగాలను రాష్ట్రంలోని సున్నితమైన ప్రాంతాల్లో మొహరించారు.

4, డిసెంబర్ 2016, ఆదివారం

బాలకృష్ణ భార్య వద్ద రూ.10 లక్షల పాత నోట్లు!!



రేణిగుంట విమానాశ్రయంలో నిన్న ఉదయం అధికారులు తనిఖీలు చేస్తుండగా నటుడు, హిందూపూరం ఎమ్మెల్యే నందమూరి బాలకృష్ణ సతీమణి వసుంధర వద్ద రూ.10 లక్షలు పాత నోట్లు లభ్యమయ్యాయి.

వసుంధర, తన కుటుంబ సభ్యులతో కలిసి తిరుమల శ్రీవారిని దర్శించుకునేందుకు  హైదరాబాదు నుంచి స్పైస్‌జెట్‌ విమానంలో రేణిగుంటకు చేరుకున్నపుడు ఈ సంఘటన చోటుచేసుకుంది.

విమానాశ్రయంలో సీఐఎస్‌ఎఫ్‌ బృందం తనిఖీలు చేసినప్పుడు ఆమె వద్ద ఆ నగదు ఉన్నట్లు గుర్తించారు. శ్రీవారి హుండీలో వెయ్యడానికి నగదును తీసుకొచ్చినట్లు ఆమె చెప్పారు. ఆదాయపన్ను శాఖ ఇచ్చిన ధ్రువీకరణ పత్రాలను చూపడంతో అధికారులు పరిశీలించి వదిలేశారు.