google-site-verification=d4bF8NWc4x746zF3idQBTNQ6r8zvxKCq-tKl9t4ClkI LINK TELUGU: రాజకీయాలు
రాజకీయాలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
రాజకీయాలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

30, ఆగస్టు 2021, సోమవారం

గుర‌క స‌మ‌స్య నుంచి బ‌య‌ట ప‌డాలంటే ., snoring problem

  



గుర‌క  స‌మ‌స్య నుంచి బ‌య‌ట ప‌డాలంటే SNORING


నిద్రపోయే సమయలో గురక పెట్టే అలవాటు చాలా మందిలో ఉంటుంది. గురక వలన పక్కన ఉన్న మిగతావారుకూడా చాలా ఇబ్బందులకు గురౌతుంటారు.

గురక చాలా అసౌకర్యమైన నిద్రను కలగజేస్తుంది. కొన్ని పరిశోధనలలో గురక వలన గుండె సంబంధ వ్యాధులు కూడా వచ్చే ప్రమాదం వుందని తెలిసింది.

 గురక రావడానికి ప్రధాన కారణాలు, ఇంకా  గురక నుంచి బ‌య‌ట‌ప‌డాలంటే ఏమేమి  చిట్కాలు వున్నాయో తెలుసుకుందాం 

గుర‌క ఎందుకు వ‌స్తుంది?

నిద్రపోయే  సమయంలో గాలి ముక్కుల నుంచి ఊపిరితిత్తుల్లోకి వెళ్లే మార్గంలో అడ్డంకులు వున్నత్లైతే అప్పుడు గురక వస్తుంది. 

అలాగే ఆ సమయంలో నోటి ద్వారా శ్వాస తీసుకునే ప్రయత్నం జరుగుతుంది. ఆ మార్గంలో కూడా అవాంతరాలుంటే అప్పుడు కుచించుకుపోయిన మార్గం నుంచి గాలి వెళ్లాల్సి ఉండడంతో అది గురకకు దారితీస్తుంది. 

వాస్తవానికి గురక రావడానికి మరెన్నో కారణాలు వున్నాయి. మానసికపరమైన ఒత్తిడి, టెన్షన్ కూడా గురకకు కారణం అవుతాయి.

సాధారణంగా ముక్కుల ద్వారా గాలి తీసుకుంటాం. కానీ, నాసికా మార్గాల్లో అడ్డంకుల వల్ల కొందరు నోటితో శ్వాస తీసుకుంటుంటారు. అలర్జీలు, సైనస్ ఇన్ఫెక్షన్, ముక్కులోపలి భాగం వాచివుండటం, అడినాయిడ్స్ అన్నీ కూడా శ్వాస మార్గానికి అడ్డంకుని కలిగిస్తాయి.

అలాగే వయసు పెరుగుతున్నకొద్దీ  గొంతు భాగం సన్నబడుతుంది. దీనివల్ల గురక రావడానికి అవకాశం ఉంటుంది. అలాగే మహిళలతో పోలిస్తే పురుషుల్లో గురక సమస్య ఎక్కువగా వస్తుంది. ఎందుకంటే పురుషులలో మద్యం, పొగతాగడం లాంటి అలవాట్లు వుండటం వల్ల, లేదా కొంతమందిలో  లోరజ్ పామ్, డైజిపామ్ లాంటి ట్రాంక్విలైజర్ ఔషధాలను వాడటం వల్ల వాయు నాళాలు తక్కువ వ్యాకోచంతో ఉంటాయి. 

అధిక బరువు ఉండడం వల్ల, లేదా మెడ, గొంతు భాగంలో అధిక బరువు పడినా గురకకు దారితీస్తుంది. 

సైనస్ సమస్యలో ముక్కు నాసికా రంధ్రాలు జామ్ అవుతాయి. దీంతో గాలి కష్టంగా వెళ్లాల్సి వచ్చి శబ్దం బయటకు వస్తుంది.  ముఖ్యంగా కార్పొరేట్‌ ఉద్యోగుల్లో ఎక్కువమంది పని వత్తిడి వల్ల నిద్ర పోయేటపుడు  గురక సమస్యతో బాధపడుతుంటారు. 

ఇక గుర‌క స‌మ‌స్య‌ను ఎలా అధికమించ‌వచ్చో  తెలుసుకుందాము.

 రాత్రి నిద్రపోయే ముందు అర టీ స్పోన్‌ తేనె, అర టీ స్పూన్‌ ఆలివ్‌ ఆయిల్‌ కలిపి  తాగితే మంచి ఫలితం కనిపిస్తుంది.

 ఒక గ్లాసు నీటిలో ఒకటి లేదా రెండు పిప్పర్‌మెంట్‌ ఆయిల్‌ చుక్కలు వేసి రాత్రి నిద్రపోయే ముందు నోటిలో పోసుకుని బాగా పుక్కిలించాలి. దీని వ‌ల్ల మంచి ఫ‌లితం ఉంటుంది.

పిప్పర్‌మెంట్‌ ఆయిల్‌ను చేతివేళ్లకు రాసుకుని వాసన చూస్తుంటే గురక తగ్గుతుంది.

 ఒక గ్లాసు వేడి నీటిలో అర టీ స్పూన్‌ యాలకుల చూర్ణం కలిపి రాత్రి నిద్రపోయే ముందు తాగి నిద్ర‌పోతే మంచి ఫలితం కనిపించవచ్చు.

అలాగే రాత్రి పడుకునే ముందు మరిగే నీటిలో 4, 5 చుక్కలు యూకలిప్టస్‌ ఆయిల్‌ వేసి ఆవిరి పట్టాలి. ఇదికూడా గురక సమస్యను అధుపులో వుంచుతుంది.

దీనితో పాటుగా వీలున్నపుడు భ్రీతింగ్ ఎక్సర్ సైజెస్, మధ్యపానం, ధూమపానం వంటి వాటికి దూరంగా వుండటం లాంటివి చాలా ఉపయోగపడుతాయి.

24, ఆగస్టు 2021, మంగళవారం

బూస్టర్ డోసుతో కరోనా మటాష్!

blog/post/edit/4450771144974125185/1326888187400588969


 కోవిడ్-19 వ్యాక్సీన్‌ బూస్టర్ డోసు తీసుకున్న 60 ఏళ్లకు పైబడిన వృద్ధులకు తిరిగి కరోనా సోకడం, లేదా తీవ్ర అనారోగ్యం పాలవడం లాంటి సమస్యలు ఎదురుకావడం చాలా తక్కువని పరిశోధనల్లో తేలింది.

పైజర్-బయోటెక్ సంయుక్తంగా పరిశోధన చేసి, తయారు చేసిన నివేదికలో ఈ ఫలితాలు వెల్లడయ్యాయి.

ఇజ్రాయెల్ ఆరోగ్యమంత్రిత్వశాఖ నుంచి అందిన సమాచారం  ప్రకారం 'ఫైజర్ వ్యాక్సీన్‌' రెండు డోసుల టీకా తీసుకున్న తరువాత మూడవ డోసు కూడా తీసుకోవడం వలన అత్యధిక రక్షణ లభిస్తున్నదని తేలింది. 

మూడవ డోసు వాక్సిన్ వేసుకున్న వారిని పరీక్షించిన అనంతరం వైద్య నిపుణులు ఈ విషయాన్ని ప్రకటించారు. 

60 ఏళ్లు పైబడిన వృద్దులు  టీకా మూడవ డోసు తీసుకుంటే వారికి కరోనా నుంచి నాలుగింతల రక్షణ లభిస్తున్నదని గుర్తించారు.

కరోనా మూడోవేవ్ వస్తోంది!

 

blog/post/edit/4450771144974125185/8301423265179588905


నేషనల్ ఇనిస్టిట్యూట్ ఆఫ్ డిజాస్టర్ మేనేజ్‌మెంట్ (ఎన్‌ఐడిఎం) నిపుణుల కమిటీ మూడో వేవ్ కరోనా గురించి ప్రభుత్వాన్ని అప్రమత్తం చేసింది.

అక్టోబర్‌లో గరిష్ట స్థాయికి చేరవచ్చని, ముఖ్యంగా పిల్లలపై ప్రభావం వుండొచ్చని కేంద్ర ఆరోగ్య మంత్రిత్వ శాఖ తెలియజేసింది.

కరోనా థర్డ్ వేవ్ అక్టోబర్‌లో రావచ్చు. ప్రత్యేకించి పెద్దలకంటే, పిల్లలు ఎక్కువ ప్రమాదంలో పడే అవకాశం వుంది కాబట్టి వారి చికిత్స కోసం వైద్యపరంగా ప్రభుత్వం సిద్ధంగా ఉండాలని కమిటీ పేర్కొంది. 

కేంద్ర హోం మంత్రిత్వ శాఖ సూచనల మేరకు ఏర్పాటు చేసిన ఈ కమిటి పిల్లలు, వైద్యులు, సిబ్బంది, వైద్య పరికరాల చికిత్స సౌకర్యాలు ఉదా: వెంటిలేటర్లు, అంబులెన్సులు మొదలైనవి అందించాలని, అంచనా వేసిన దానికంటే ఎక్కువ మంది పిల్లలు కరోనావైరస్ సంక్రమణను ఎదుర్కోవడానికి సిద్ధంగా ఉండాలని  ప్రధాన మంత్రి కార్యాలయానికి ఇచ్చిన నివేదికలో పేర్కొంది.

పిల్లలకు కోవిడ్ టీకాలు వేయడానికి కేంద్రం ప్రాధాన్యం ఇవ్వాలని, తీవ్రమైన అనారోగ్యాలు,  వైకల్యాలున్న పిల్లలకు టీకాలు వేయించాలని కమిటి సూచించింది. 

అక్టోబర్ చివరి నాటికి కరోనా మూడవ వేవ్ గరిష్ట స్థాయికి చేరుకోవచ్చు. 

22, ఆగస్టు 2021, ఆదివారం

బ్లాక్‌ వాటర్‌ అంటే ఏంటి?

blackwater


ఈ మధ్య కాలంలో బ్లాక్ వాటర్‌ గురించి ఎక్కువగా వినపడుతోంది. 

సెలిబ్రిటీలు లేదా ఆరోగ్యంపట్ల ఎక్కువగా స్పృహ వున్నవాళ్ళు ఈ వాటర్‌ని తాగేందుకు ఎక్కువగా ఆసక్తి చూపిస్తున్నారు. 

టీమిండియా కెప్టెన్ విరాట్ కోహ్లీ, హీరోయిన్‌ శ్రుతిహాసన్‌, బాలీవుడ్ న‌టి మ‌లైకా ఆరోరా ఎప్పటి నుంచో ఈ నలుపు నీళ్లు తాగుతున్నారు.  

సోష‌ల్ మీడియాలో బ్లాక్ వాట‌ర్ గురించి ఇప్పుడు పెద్ద చర్చ జ‌రుగుతోంది. బ్లాక్‌ వాటర్‌ స్పెషల్‌ ఏంటి? ఈ నలుపు నీళ్లు ఎక్కడ దొరుకుతాయి? ఈ వాటర్‌ ధర ఎంత? అని నెటిజన్లు తెగ వెతుకుతున్నారు. 

సాధార‌ణంగా మ‌నం తాగే మిన‌ర‌ల్ వాట‌ర్ ఖ‌రీదు ఒక లీట‌ర్‌కు రూ.20 నుంచి 30 వరకు ఉంటుంది. కానీ దానికి మూడింతలు ధరతో బ్లాక్ వాటర్ ల‌భిస్తుంది. లీటర్‌ బ్లాక్‌ వాటర్‌ బాటిల్‌కు దాదాపు రూ. 100 ఉంటుంది. 

ఈ వాటర్‌లో  ఆరోగ్యానికి సంబంధించి పలు ఉపయోగాలు దాగున్నాయి. 

లీట‌ర్ బ్లాక్ వాట‌ర్‌లో 70 మిన‌ర‌ల్స్ ఉంటాయి. అవి జీర్ణ‌శ‌క్తిని పెంపొందిస్తాయి.  ఈ వాటర్‌ తాగడం వల్ల జీర్ణశక్తి పెరుగుతుంది. దాంతో పాటు మెటబాలిజం పెంపొందిస్తుంది. అలాగే అసిడిటీ ప్రాబ్లెం రాకుండా చూసుకుంటుందని వైద్య నిపుణులు చెబుతున్నారు.

వీటన్నింటితోపాటు వయసు కనపడకుండా నిత్య యవ్వనంగా కనిపించేలా చేసే పోషకాలు ఈ బ్లాక్ వాటర్ లో ఉంటాయట, 

ఇన్ని ఉపయోగాలు ఉన్నాయి కాబట్టే సెలబ్రిటీలు ఈ వాటర్‌ తాగేందుకు ఆసక్తి చూపిస్తున్నారు. 

21, ఆగస్టు 2021, శనివారం

పిల్లల టీకా కి ఓకే చెప్పిన భారత్ ZyCoV-D Vaccine

blog/post/edit/4450771144974125185/8421846512807196846


 జైడస్ క్యాడిలాZydus సంస్థ తయారు చేసిన 'జైకోవ్ డి కోవిడ్​ వ్యాక్సిన్​'ZyCoV-D ఎమర్జెన్సీ వినియోగానికి భారత్​ గ్రీన్​సిగ్నల్​ ఇచ్చింది. 

భారత్​లోనే తయారైన ఈ వ్యాక్సీన్​కి డ్రగ్ రెగ్యులేటర్ నుంచి ఎమర్జెన్సీ యూజ్ ఆథరైజేషన్ (EUA) అన్నీ అనుమతుల్నీ మంజూరుచేసింది. 

ఈ వ్యాక్సిన్​ను పెద్దలకే కాదు,12 నుంచి 18 సంవత్సరాల మధ్య గల పిల్లలకి కూడా ఉపయోగించవచ్చు.

పిల్లల కోసం అందుబాటులోకి వచ్చిన మొట్టమొదటి భారతీయ వ్యాక్సిన్​గా దీన్నిచెప్పుకోవచ్చు. 

ఈ వ్యాక్సిన్​ ద్వారా దేశం కరోనాతో పూర్తి స్థాయిలో పోరాడుతోందని ప్రధాని మోడి ప్రకటించారు.

భారత్ బయోటెక్ ఉత్పత్తి చేసిన కోవాగ్జిన్, జైడస్ క్యాడిలా ఉత్పత్తి చేసిన 'జైకోవ్ డి ' ZyCoV-D ఈ రెండు వ్యాక్సీన్లు మాత్రమే భారత్​లో పిల్లలపై ప్రయోగాలు చేస్తున్నాయి. 

భారత్​లోనే తయారుచేయబడిన రెండో వ్యాక్సీన్ ఇది. 

ఈ వ్యాక్సీన్ ని పెద్దలు, 12 సంవత్సరాల కంటే పెద్ద పిల్లలు తీసుకోవచ్చు.   

ఈ 'జైకోవ్ డి' వ్యాక్సీన్ మూడు డోసులు తీసుకోవాల్సి ఉంటుంది. మొదటి డోసు తీసుకున్న తర్వాత 28 రోజులకు రెండో డోస్ ఆ తర్వాత 56వ రోజు మూడో డోస్ తీసుకోవాల్సి ఉంటుంది.

ఈ వ్యాక్సీన్‌ లో మరొక విశేషం ఏంటంటే అన్ని వ్యాక్సీన్లలా ఇంజెక్షన్ రూపంలో కాకుండా, పెయిన్ లెస్ ఇంట్రాడర్మల్ అప్లికేటర్ ద్వారా వేస్తారు.. సూది ఉండదుకాబట్టి పిల్లలకు నొప్పితెలియకుండా ఈ వ్యాక్సీన్ ఇవ్వొచ్చు.

కాగా ఈ వాక్సిన్ ని 2 నుంచి 8 డిగ్రీల సెల్సియస్ మధ్యలో దీన్ని నిల్వ చేయాల్సి ఉంటుంది.ఈ వ్యాక్సీన్ ధర ఇంకా నిర్ణయించలేదు. 

ఆగస్టు నుంచి డిసెంబర్ లోపల 216 కోట్ల వ్యాక్సీన్ డోసులు సిద్ధమవుతాయని Zydus కంపెని ప్రకటించింది. 


18, ఆగస్టు 2021, బుధవారం

హెల్త్ కి ఉప్పు కీడుచేస్తుందా? HEALTH ISSUES WITH SALT

https://linktelugu.blogspot.com/2021/08/httpslinktelugu.blogspot.comsalt.html

HEALTH ISSUES WITH SALT

 కూరల్లో రుచికోసం గానీ, నిల్వచేసుకునే ఊరగాయల్లాంటి వాటికోసం గానీ విరివిగా వాడే ఉప్పుకు చాలా ప్రాధాన్యత వుంది. 

ముఖ్యంగా ఉప్పుని ఆసియా వైపు దేశాలు ఎక్కువగా ఉపయోగిస్తుంటారు.

  ఉప్పు సముద్రపు నీటితో తయారవుతుంది. దీనిలో సోడియం క్లోరైడ్ అనే రసాయనం వుంటుంది.     

 ఉప్పు గురించి శాస్త్రవేత్తలు చేసిన పరిశోధనల్లో హెల్త్ కి సంబంధించి పలు విషయాలు వెలుగుచూశాయి.  

ప్రతి ఆహారపదార్థంలోనూ మనం తప్పక వాడుతున్న ఉప్పుతో చాలా జాగ్రత్తగా ఉండాలి. 

ఉప్పు ఎక్కువగా వాడటం వల్ల హైబీపీ సమస్యలతో పాటుగా, ఎముకల సమస్యలు కూడా వస్తాయి.

ఉప్పు ఎక్కువగా తీసుకునే వారిలో గుండెజబ్బులు, ఒబేసిటీ, కిడ్నీసమస్యలు, జీర్ణకోశ క్యాన్సర్‌ వంటి సమస్యలు వస్తాయి. అలాగే  మంట, నొప్పి, దురదల వంటివి వస్తాయి. 

బాడీలో షుగర్ కంట్రోల్ గా ఉంచుకోవడం కోసం కూడా సాల్ట్ కంటెంట్ తక్కువ ఉన్న ఫుడ్ తీసుకోవాలి.  

షుగర్ ఎక్కువ తీసుకుంటే ఎంత ప్రమాదమో, ఉప్పు వాడినా కూడా అంతే ప్రమాదం వుంది.  

ఒక మనిషి రోజుకి 6 గ్రాముల ఉప్పుమాత్రమే తీసుకోవాలని పరిశోథనలు తెలియజేస్తున్నాయి.

డబ్ల్యూ హెచ్ వో కూడా ఉప్పు రెగ్యులర్ గా వాడుకోవడాన్ని కంట్రోల్ చెయ్యాలని సూచించింది.  

ఉప్పు వలన కొన్ని ప్రయోజనాలు కూడా ఉన్నాయి. ఉప్పు మన శరీరంలో నీటి సమతుల్యతను కాపాడుతుంది. శరీరంలోని ఆమ్లక్షార వ్యవస్థను క్రమబద్దీకరించే చర్యలో సోడియం ఒక ముఖ్య పాత్ర వహిస్తుంది. 

సోడియం తగ్గితే  హార్మోనులు పంపే సంకేతాలు శరీరంలో సరిగా ప్రసరించవు. ఇంకా విషాహారం వలన జీర్ణవ్యవస్థలో  కలిగే అసౌకర్యాన్ని ఉప్పునీరు నియంత్రిస్తుంది. 


హత్య కేసులో కాంగ్రెస్ ఎంపీ శశిథరూర్ నిర్దోషి! SASHI THAROOR OUT OF MURDER CASE

 

SASITHAROOR


 2014సం.లో  దేశవ్యాప్తంగా సంచలనం సృష్ఠంచిన సునంద పుష్కర్ మృతి కేసులో, నిందితుడైన ఆమె భర్త కాంగ్రెస్ పొలిటికల్ లీడ్qర్, ఎంపి శశిథరూర్ ను ఢిల్లీ సెషన్స్ కోర్టు బుధవారం నిర్దోషిగా ప్రకటించింది. 

2014 సంవత్సరం జనవరి నెలలో సునంద పుష్కర్ హోటల్ గదిలో శవమై కనిపించారు. 

మరణించిన సమయంలో సునంద మోతాదుమించి డ్రగ్స్ తీసుకున్నట్లు వైద్య నివేదిక సూచించింది. సునందపుష్కర్ కేసును హత్య అనే కోణంలో పోలీసులు విచారణ జరిపారు.  

ఆత్మహత్య ప్రేరణ కింద కాంగ్రెస్ ఎంపీ శశిథరూర్ పై కేరళ పోలీసులు కేసు నమోదు చేసారు. ఈ కేసును ఢిల్లీ సెషన్స్ కోర్టు  డిశ్చార్జ్ చేసింది.

4, డిసెంబర్ 2016, ఆదివారం

ఫకీర్ పది లక్షల సూటు తొడుక్కుంటాడా..?



ఢిల్లీ ముఖ్యమంత్రి అరవింద్‌ కేజ్రీవాల్‌ ప్రధాని మోదీపై ధ్వజమెత్తాడు.

మోదీ ప్రతిరోజూ.. నాలుగు కొత్త జతల బట్టలు తొడుక్కుంటాడనీ, పది లక్షల విలువ చేసే సూటును వేసుకుని ప్రపంచదేశాలు చుట్టివస్తారని, మరి ఇలాంటి వ్యక్తిని  ప్రజలు ‘ఫకీర్‌’గా ఎలా ఒప్పుకుంటారని కేజ్రీవాల్ విమర్శించాడు.

17, నవంబర్ 2016, గురువారం

మోదీ ఓ తుగ్లక్‌!



ప్రధాన మంత్రి నరేంద్ర మోదీ  తుగ్లక్‌లా వ్యవహరిస్తున్నారని పశ్చిమ బెంగాల్‌ సీఎం, మమతా బెనర్జీ విమర్శించింది.

మహ్మద్‌ బిన్‌ తుగ్లక్‌ ఉన్నట్టుండి రాజధానిని మార్చినట్టు, నేడు మోదీ అకస్మాత్తుగా నగదును మార్చేశారని ఆమె దుయ్యబట్టింది.

పెద్ద నోట్ల రద్దు నిర్ణయానికి వ్యతిరేకంగా మమత నేతృత్వంలో పలు విపక్ష పార్టీలు పార్లమెంటు నుంచి రాష్ట్రపతి భవన్‌కు ర్యాలీగా వెళ్ళి రాష్ట్రపతి ప్రణబ్‌ ముఖర్జీని కలిశారు. రద్దు నిర్ణయాన్ని తక్షణం ఉపసంహరించుకొనేలా చర్యలు తీసుకోవాలని కోరుతూ వినతిపత్రం సమర్పించారు.

మమత వెంట నేషనల్‌ కాన్ఫరెన్స్‌, ఆప్‌, ఎన్డీయే భాగస్వామి శివసేన నేతలు వున్నారు.
ఎలాంటి ప్రణాళిక లేకుండా తీసుకున్న ఈ నిర్ణయం వల్ల 8 రోజుల్లో దేశానికి రూ.2 లక్షల కోట్ల నష్టం వాటిల్లిందని వారు అన్నారు.

కాగా ఈ ర్యాలీ లో పాల్గొన్న శివసేన మాత్రం.. రద్దు నిర్ణయాన్ని తమ పార్టీ స్వాగతిస్తుందని, ప్రజలకు కలుగుతున్న ఇబ్బందులను పరిష్కరించాలన్నదే తమ డిమాండ్‌ అన్నారు. రాష్ట్రపతికి ఇచ్చిన వినతిపత్రంపై తాము సంతకం చేయలేదని శివసేన స్పష్టం చేసింది.

16, నవంబర్ 2016, బుధవారం

నోరు అదుపులో పెట్టుకో సుజనా..!




ప్రత్యేక హోదా అంశం ఇక చెల్లని నోటుతో సమానమని వ్యాఖ్యానించిన  కేంద్రమంత్రి సుజనా చౌదరి వ్యాఖ్యలను వైఎస్ఆర్ కాంగ్రెస్ పార్టీ అధికార ప్రతినిధి జోగి రమేష్ తీవ్రంగా ఖండించాడు.

ప్రత్యేక హోదా చెల్లని నోటు కాదని, సుజనా చౌదరే చెల్లని కేంద్రమంత్రి అని  విమర్శించాడు.

బుధవారం రమేష్ మీడియా సమావేశంలో మాట్లాడుతూ.. బ్యాంకులను మోసం చేసి వేలకోట్లు సంపాదించిన ఘనత సుజనా చౌదరిదని అన్నాడు.
వైఎస్ జగన్ మోహన్ రెడ్డి నాయకత్వంలో హోదాను సాధించి తీరుతామని ఆయన స్పష్టం చేశాడు.

ప్రత్యేకహోదా విషయంలో సుజనా తన నోరును అదుపులో పెట్టుకుని మాట్లాడాలని రమేష్ సూచించాడు.

13, నవంబర్ 2016, ఆదివారం

రద్దు విషయం బాబుకు ముందే తెలుసు!



పెద్ద నోట్ల రద్దు విషయం సీఎం చంద్రబాబుకు ముందే తెలుసునని ఏపీసీసీ అధ్యక్షుడు రఘువీరారెడ్డి ఆరోపించాడు.

విజయవాడలో శనివారం ఆయన ఓ మీడియా సమావేశంలో మాట్లాడుతూ... బీజేపీ, టీడీపీ నేతలు తమ వద్దనున్న నల్లధనాన్ని తెల్లధనంగా మార్చుకున్న తర్వాతనే రూ.500, రూ.వెయ్యి నోట్లను కేంద్రప్రభుత్వం రద్దు చేసిందని చెప్పాడు.

నోట్ల రద్దు వల్ల సామాన్య ప్రజలు ఇబ్బందులు పడుతున్నారని... విదేశాల్లో ఉన్న నల్లధనాన్ని ఎందుకు తేలేకపోతున్నారని ఆయన ప్రశ్నించాడు. 

12, నవంబర్ 2016, శనివారం

మోదీకి మమత సీరియస్ వార్నింగ్!




పెద్ద నోట్ల రద్దు నిర్ణయంపై పశ్చిమ బెంగాల్ ముఖ్యమంత్రి మమత బెనర్జీ ప్రథాని మోదిపై నిప్పులు కురిపించింది.

వెంటనే ఈ నిర్ణయాన్ని ఉపసంహరించుకోవాలని కేంద్ర ప్రభుత్వాన్ని ట్విటర్ వేదికగా గట్టిగా డిమాండ్ చేసింది. ఇదొక భారీ నల్ల కుంభకోణంగా మారిందని మమత అనింది. దీనివల్ల సామాన్య ప్రజానీకం కష్టాలు పడ్తొందని, మనీ లాండరర్లకే పూర్తి ప్రయోజనం కలుగుతోందని ఆమె విమర్శించింది.

సామాన్యులకు వ్యతిరేకమైన ఈ ‘నల్ల’ రాజకీయ నిర్ణయాన్ని ఉపసంహరించుకోవాలని మమత డిమాండ్ చేసింది. భారత్ లో మార్కెట్లు కుప్పకూలిపోయాయని, ప్రజలు బాధపడుతున్నారని ఆమె పేర్కొంది.

అయితే మమత బెనర్జీ వ్యాఖ్యలను బీజేపీ విమర్శించింది. అవినీతిపరులకు కాంగ్రెస్, ఆప్, టీఎంసీ పార్టీలు అండగా నిలుస్తున్నాయని ఆరోపించింది.

కాబోయే సీఎం లోకేశ్..



యువనేత దగ్గర గుర్తింపుకోసమో లేక అభిమానమో చెప్పలేం గానీ... సీయం చంద్రబాబు కుర్చీకి అప్పుడే ఎసరు పెట్టడం మొదలు పెట్టారు కొందరు మంత్రులు.

భవిష్యత్‌లో  సీఎం నారా లోకేశే నని  మంత్రులు ప్రత్తిపాటి పుల్లారావు, రావెల కిశోర్‌బాబు పేర్కొన్నారు.

బండారుపల్లిలో శుక్రవారం రాత్రి జనచైతన్య యాత్ర సందర్భంగా జరిగిన బహిరంగ సభలో  మంత్రి ప్రత్తిపాటి పుల్లారావు మాట్లాడుతూ..సీఎం చంద్రబాబు వారసుడు, కాబోయే సీఎం లోకేశ్‌ అని అన్నారు.

తెలుగుదేశం పార్టీ  నారా లోకేశ్ ను తమ పార్టీ అధినాయకుడిగా ప్రజలను, కార్యకర్తలను ఒప్పించడానికి నెమ్మదిగా ప్రయత్నాలు మొదలుపెట్టినట్టు కనిపిస్తొంది.

రాజకీయాల్లో వారసత్వ రాజకీయాలనేది అలవాటైన పాత విషయమే, ఐనా.. చంద్రబాబూ గమనిస్తున్నావా?!

11, నవంబర్ 2016, శుక్రవారం

మంత్రి గారి కళాపోషణ!!




కర్ణాటక ప్రభుత్వం నిర్వహించిన టిప్పు జయంతి ఉత్సవాల్లో ఓ మంత్రి  తన మొబైల్ లో అశ్లీల చిత్రాలను చూస్తూ మీడియా కెమెరాకు చిక్కాడు.

యచూరు జిల్లాలో ఏర్పాటు చేసిన సభలో విద్యా శాఖ మంత్రి తన్వీర్‌సేఠ్‌  వేదికపైౖనే కూర్చుని తాపీగా ఫోన్‌లో అశ్లీల చిత్రాలు చూస్తుండగా ఓ విలేకరి దానిని చిత్రీకరించాడు.

ఇది టీవి ఛానెళ్లలో ప్రసారం కావడంతో రాష్ట్రవ్యాప్తంగా దుమారం చెలరేగింది. మంత్రి తన్వీర్‌ తీరుపైౖ  మండిపడ్డ ప్రతిపక్షనేతలు ఆయన వెంటనే రాజీనామా చేయాలని డిమాండ్ చేశారు.

ఇదిలా ఉండగా తన్వీర్‌సేఠ్‌ సాయుంత్రం మీడియాకు వివరణ ఇచ్చారు. తాను మొుుబైల్‌లో అశ్లీల చిత్రాలు చూడలేదని, వేరే సమాూచారం కోసం మొబైల్ చూస్తుండగా లింక్‌ మారి ఆ చిత్రాలు వచ్చాయని తెలిపాడు.

అసలే అత్యాచారాలకు కేరాఫ్ అడ్రస్స్ గా మారుతున్న కర్ణాటకలో అధికారంలో వున్న నాయకులే ఇలాంటి నిర్వాహకాలకి పాల్పడుతుంటే..సామాన్య ప్రజలు ముక్కున వేలేసుకుంటున్నారు.

పవన్‌ ని లైట్ గానే..




నిన్న అనంత సభలో జనసేన నేత పవన్ కళ్యాణ్ వెల్లబుచ్చిన అభిప్రాయాలను టీడీపి తేలిగ్గా తీసుకుంది.

పవన కల్యాణ్‌ వ్యాఖ్యలను నెగిటివ్‌గా తీసుకోవద్దని, ఏవైనా లోటు పాట్లు ఉంటే సరిదిద్దుకుందామని టీడీపీ జాతీయ ప్రధానకార్యదర్శి నారా లోకేష్‌ పార్టీ శ్రేణులకు సూచించాడు.

గవర్నమెంట్ లో అవినీతి పెరుగుతోందన్న పవన్ వ్యాఖ్యలపై మాట్లాడుతూ..ఆయన భారతీయ సిటిజన్ లాగా సలహా ఇచ్చారని, అలాంటి లోపాలు వున్నట్టైతే సరిదిద్దుకుందామని లోకేష్‌ అన్నాడు.

ప్రత్యేకహోదా , ప్యాకేజి వివరాలను జనసేన నేత కు పార్టీ తరపున అర్థమయ్యేలా చెబితే బాగుంటుందని కొందరు నాయకులు లోకేష్ కు సూచించారు.

10, నవంబర్ 2016, గురువారం

పవన్ కు సైటొచ్చింది!!




కేంద్ర ప్రభుత్వ తీరుతో తనకు సైటొచ్చేసిందని పవన్ చలోక్తి విసిరాడు

అనంతరపురంలో జరిగిన ' సీమాంధ్ర హక్కుల చైతన్య సభ' లో పవన్ ఈ వ్యాఖ్యలు చేశారు.

తన ఉపన్యాసం మధ్య మధ్యలో కాగితాల సహాయం తీసుకున్నపుడు, పవన్ కళ్ళద్దాల్ని ఉపయోగించాడు.

'సామాన్యులకు అర్థం కాని భాషను ఉపయోగించి ప్యాకేజ్ లెక్కలు చెప్పారని, దాని గురించి తెలుసుకోడానికి ఎన్నో పుస్తకాలు చదవడం వల్ల తనకు కళ్లు సరిగా కనిపించడంలేదని పవన్ అన్నారు. అలాగే ప్రత్యేక హోదాపై కేంద్ర ప్రభుత్వం జారీ చేసిన జీవోలన్నింటిని స్టడీ చేశానని, ఆర్థిక, సామాజిక రంగ నిపుణులతో చర్చించానని' పవన్ పేర్కొన్నారు.

తన కళ్లజోడుకు కేంద్రం గ్రాంటు మంజూరు చెయ్యాలని పవన్ వ్యంగ్యంగా కోరారు.

చంద్రబాబూ.. డబ్బా కొట్టుకోవడం ఆపు!!




రూ.వెయ్యి, 500 నోట్ల రద్దుకు తానే సిఫార్స్ చేశానని చంద్రబాబు నాయుడు డబ్బా కొట్టుకుంటున్నారని వైయస్సార్ పార్టీ ఎంపీ మేకపాటి రాజమోహన్ రెడ్డి ఎద్దేవా చేశాడు.

ప్రజాస్వామ్యాన్ని భ్రష్టు పట్టించిన ఏకైక వ్యక్తి చంద్రబాబే అని మేకపాటి ధ్వజమెత్తారు. తన పరిపాలనా లోపాల్ని పక్కదారి పట్టించడానికి, నోట్ల రద్దును తన గొప్పతనంగా చెప్పుకోవడానికి ప్రయత్నిస్తున్నాడని మేకపాటి విమర్శించాడు.

9, నవంబర్ 2016, బుధవారం

విజేత డోనాల్డ్ ట్రంప్ !!




అంచనాల్ని తలకిందులు చేస్తూ.. సర్వేలని తోసిరాజంటూ.. డోనాల్డ్  ట్రంప్ అమెరికా ప్రెసిడెంట్ గా ఎన్నికయ్యాడు.

మొదటి నుంచి ఆవేశపూరిత ప్రసంగాలతో, వివాదాస్పద వ్యాఖ్యలతో సంచలనం సృష్టించిన ట్రంప్ వ్యక్తిగత జీవితాన్ని పట్టించుకోకుండా అతనివైపే జనం నిలిచారు.

అధ్యక్ష స్థానాన్ని పొందాలంటే కనీసం 270 ఓట్లు పొందాల్సి వుండగా. .తాజాగా వెలువడిన ఫలితాల ప్రకారం 538 ఎలక్ట్రోరల్ ఓట్లకు గానూ ట్రంప్ 280 పైగా  ఓట్లు సాధించగా,  హిల్లరీకి 218 ఓట్లు మాత్రమే నమోదయ్యాయి. .

జనవరి 6 న ట్రంప్ 45 వ అమెరికా అధ్యక్షుడి గా భాద్యతలు స్వీకరించనున్నాడు 

జగన్‌ ఎంత షాకయ్యాడో..!




రూ.500, 1000 నోట్లు రద్దవడంతో వైయస్సార్సీపి నేత జగన్మోహన్ రెడ్డి షాక్ కి గురైవుంటాడని టీడీపి ఎంఎల్సీ సోమిరెడ్డి చంద్రమోహన్ రెడ్డి వ్యంగ్యంగా అన్నాడు.

'ప్రధాని నరేంద్ర మోదీ రూ. 500, 100 నోట్లు రద్దు నిర్ణయం వినగానే నేను షాకయ్యాను. వెంటనే నా బీరువా తీసి చూసుకుంటే, 26 వెయ్యి రూపాయల నోట్లు ఉన్నాయి. వాటిని ఎలా మార్చాలా అని ఆందోళన పడిపోయాను. నేనే ఈ రకంగా ఆందోళన చెందితే.. సోదరుడు జగన్‌ మోహన్‌రెడ్డి ఎంతగా ఆందోళన చెందివుంటాడో.. బెంగళూరు వైట్‌ హౌస్‌ అండర్ గ్రౌండ్లో ఉన్న డబ్బును ఏం చేయాలో తెలియక షాకై ఉంటాడు" అని అన్నాడు.

చంద్రబాబు ఎప్పటినుంచో వెయ్యి, 500 నోట్లు రద్దు చేయాలని చెబుతున్నారు.ఈ కీలక నిర్ణయంలో చంద్రబాబు ప్రభావం చాలా వుంది ఉంది., దటీజ్‌ చంద్రబాబు. అని సోమిరెడ్డి వ్యాఖ్యానించాడు.

8, నవంబర్ 2016, మంగళవారం

కోదండరాం ద్రోహి!



తెలంగాణ జేఏసీ పొలిటికల్ చైర్మన్ కోదండరాం ద్రోహి అని, ఆయన్ను ప్రజలు నమ్మొద్దని  ఎంపి బాల్క సుమన్ అన్నాడు.

కోదండరాం సోనియాతో రహస్య ఒప్పందం చేసుకుని, జేఏసీ ముసుగులో కోదండరాం టీఆర్‌ఎస్‌పై దాడి చేస్తున్నారని దుయ్యబట్టారు. కోదండరాం నిజస్వరూపం బట్టబయలైందనీ.. టీఆర్‌ఎస్‌ను ఎదుర్కోలేక కాంగ్రెస్ కోదండరాంతో పొరాటం చేయిస్తోందని ఆయన విమర్శించారు.

మొదటి నుంచి కోదండరాంకు కాంగ్రెస్ వాసనలు వున్నాయని, కోదండరాం ఇద్దరికి కాంగ్రెస్ టికెట్లు ఇప్పించారని బాల్క సుమన్ వెల్లడించారు.